09.01.2018
Stórfrétt! Segabrottnám í heilaslagćđum!

Eins og Björn Logi Þórarinsson, taugalæknir á LSH, tjáði fundarmönnum á fundi HEILAHEILLA s.l. laugardag 6. janúar 2018, að í vændum væri að taka upp markverðar nýjungum hér á landi við segabrottnám í heilaslagæðum á Landspítalanum!   Þá kom yfirlýsing frá Pétri H. Hannessyni yfirlækni röntgendeildar um að frá og með deginum í dag (9. janúar 2016) verður boðið upp á segabrottnám í heilaslagæðum sem þróunarverkefni.  Þessu segabrottnámi lýsir Björn Logi nokkuð vel sem sjá má á myndupptöku af fundinum hér!  Þessi þjónusta verður því miður ekki samfellt í boði þar sem hún byggir að svo stöddu á einum sérfræðilækni.   Að öllu jafna verður þetta inngrip framkvæmt á virkum dögum frá kl 08-16.  Ekki er um vaktþjónustu að ræða og það munu vera tímabil þar sem engin þjónusta er í boði.  Þetta helgast af því að um þróunarverkefni er að ræða en vonandi verður unnt að auka þessa mikilvægu þjónustu áður en langt um líður. HEILAHEILL fagnar að sjálfsögðu þessum áfanga, - við erum með þessu að vera þjóð meðal þjóða í þessari meðhöndlun.  En megin markmið félagsins er að snemmtæk íhlutun til atvinnutengdrar endurhæfingar hlýtur að vera markmiðið hverju sinni, - því betur má ef duga skal! Því fyrr sem meðhöndlun blóðþurrðarsjúklins getur hafist, því meiri líkur á að koma í veg fyrir varanlegan skaða, sem er mikill sparnaður fyrir allt samfélagið, - svo ekki sé minnst á fjölskylduna!  Þegar ferli sjúklinga með slag innan tímamarka er lýst sem hluti heildstæðs verkferils, þá hlýtur að vakna sú krafa að gengið sé til fulls í þessum efnum, - fjölga sérfræðilæknum og vera með vaktþjónustu allan sólarhringinn og að ekki sé um tímabundna þjónustu að ræða!  Þátttaka félagsins í þessu átaki er útgáfa HEILA-appsins í alla snjallsíma sem virkar sem öryggishnappur fyrir hvern og einn er kennir sér slags.  Hægt er að sjá leiðbeiningar um það hér!

Gerast félagi

Útvarp heilaheilla

Viđburđaskrá

 «   » 
SMŢMFFL
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30